ད་ལོའི་པེ་ཅིན་སློབ་ཆེན་སློབ་མའི་གློག་བརྙན་དུས་ཆེན་གྱི་འགྲན་བསྡུར་ཁྲོད་དུ་རྒྱལ་ཕྱི་ནང་གི་སློབ་ཆེན་༦༠༠ལྷག་ནས་ཐོན་པའི་གློག་བརྙན་བརྩམས་ཆོས་ཁྱོན་༣༦༡༢ཙམ་བསྡུས་ཡོད་ལ། འགྲན་བསྡུར་ནང་དངོས་སུ་ཚུད་པའི་གློག་བརྙན་༣༠༠ལྷག་བྱུང་། དེ་ནས་ཆེད་མཁས་པ་དག་གིས་དྲང་བཞག་དང་དཔྱད་བརྗོད་རབ་དང་རིམ་པ་བརྒྱུད་མཇུག་མཐའི་བྱ་དགའི་མིང་ཐོ་ནང་དུ་ཚུད་པའི་གློག་བརྙན་༡༨བདམས་ཐོན་བྱུང་། དེ་ལས་པེ་ཅིན་གློག་བརྙན་སློབ་གླིང་གི་འཁྲབ་ཁྲིད་སྡེ་ཁག་གི་བོད་རིགས་གློག་བརྙན་དོན་གཉེར་པ་བཀྲ་ཤིས་ཚེ་རྒྱལ་གྱི་ཐོག་མའི་གློག་བརྙན་བརྩམས་ཆོས་༼ཤེལ་རིལ༽ཞེས་པ་དེ་ལ་གཏམ་རྒྱུད་ཡག་ཤོས་གྱི་གློག་བརྙན་བཟང་བསྟོད་བྱ་དགའ་ཆེས་མཐོ་ཤོས་དེ་དང་ཕུལ་བྱུང་འཁྲབ་ཁྲིད་པའི་བྱ་དགའ་ཐོབ།
སྐུ་ཞབས་བཀྲ་ཤིས་ཚེ་རྒྱལ་གྱི་ཐོག་མའི་གློག་བརྙན་༼ཤེལ་རིལ༽ཞེས་པ་འདི་ནི་ངེད་གུ་གེ་གློག་བརྙན་གྱིས་ཕབ་སྐྲུན་བྱས་ཤིང་། བོད་མི་རིགས་ཀྱི་ཐུན་མོང་མ་ཡིན་པའི་འཚོ་བ། རིག་གནས་སོགས་རྒྱབ་ལྗོངས་བྱས་ནས། བོད་ཀྱི་ན་ཆུང་བྱིས་པ་དག་གི་ལྷད་མེད་དྭངས་གཙང་གི་སེམས་གཤིས་སམ། འགན་འཁྲིའི་འདུ་ཤེས་བརྗོད་བྱ་བྱས་ནས་ཕབ་སྐྲུན་བྱས་པའི་གློག་བརྙན་ཁྱད་པར་བ་ཞིག་གོ །
དཔྱད་མཆན་ཡོད།