བོད་བརྙན་དྲ་བ།


བརྙན་ཡིག་ཚོགས་པ།


           བརྙན་ཡིག་ཚོགས་པ(ཨིན་ཡིག་ཏུFansub group)ནི་ཕྱི་རྒྱལ་སོགས་ཀྱི་གློག་བརྙན་བརྙན་གཟུགས་ཐོག་ཏུ་རང་རེའི་ཡི་གེ་སྦྱོར་བར་སྤྲོ་བའི་ཚོགས་པ་ལ་ཟེར་ཞིང་། དྲྭ་རྒྱའི་དུས་རབས་སུ་གསར་དུ་བྱུང་བ་ཞིག་སྟེ། དམངས་ཁྲོད་ནས་རང་འགུལ་གྱིས་རྩ་འཛུགས་བྱས་པའི་ཚོགས་པ་ལ་གོའོ། །
Fansub groupའདིའི་ཡིག་ངོའི་ནང་དོན་ལྟར། བརྙན་ཡིག་ཚོགས་པ་ནི་མི་སྒེར་གྱི་དགའ་ཕྱོགས་གཞི་བྱས་ཏེ་གྲུབ་པ་ཞིག་ཡིན་ཞིང་། བརྙན་ཡིག་ཚོགས་པས་ཁེ་ཚོང་དོན་དུ་གཉེར་བ་མིན་པར། གློག་བརྙན་བརྙན་གཟུགས་གང་ཞིག་ལ་སྤྲོ་བ་དྲངས་ཏེ་བརྙན་ཡིག་བཟོ་སྦྱོར་གྱི་ལས་ལ་ཞུགས་པ་ཡིན། ཡིན་ཡང་། ཚོགས་མི་ཁ་ཤས་ཀྱིས་སྒེར་གྱི་ཁེ་ཕན་བསམ་སྟེ། རྫུས་བཟོ་མཁན་དང་འདྲེ་ལག་མཉམ་སྦྲེལ་གྱིས་ཁེ་ཚོང་གཉེར་བ་ཡོད་མོད། དེ་བརྙན་ཡིག་ཚོགས་པའི་ཁོངས་སུ་མི་གཏོགས་སོ། །
ལོ་འདི་ཚོར། ཨ་རིའི་གློག་བརྙན་བརྙན་འཕྲིན་དང་ཉི་ཧོང་བའི་ཁཱ་ཐུང་རྒྱ་ནང་དུ་དར་ཁྱབ་ཤིན་ཏུ་ཆེན་པོ་བྱུང་བས། དྲྭ་འབངས་ཐམས་ཅད་ཀྱི་དགོས་མཁོ་འདི་དང་བསྟུན་ཏེ་འཇུག་ཡུལ་མི་འདྲ་བའི་བརྙན་ཡིག་ཚོགས་པ་ལྔ་བཅུ་ལྷག་རྒྱ་ནང་དུ་བྱུང་ཡོད།༼འདི་ལས་མང་ཡང་སྲིད། དྲྭ་ཐོག་གི་ཡིག་དུམ་ཞིག་གཞིར་བཟུང་པ་ཡིན༽
            རྒྱ་ནང་དུ་དྲྭ་རྒྱ་ས་ཁྱབ་རྡོ་ཁྱབ་ཏུ་སོང་བ་བསྟུན་ནས། དྲྭ་པ་རྣམས་ཀྱིས་ཀྱང་བརྙན་འཕྲིན་ཟློས་གར་རམ་ཁཱ་ཐུང་། གློག་བརྙན་ཕུལ་ཏུ་བྱུང་བ་དག་ཨ་རི་དང་ཡོ་རོབ། ཉི་ཧོང་། ཁོ་རེ་ཡ་ནས་བཟོས་པ་ཐུགས་སུ་ཆུད་ཅིང་། CCTVསོགས་གཞུང་འབྲེལ་ལེ་ཚན་གྱིས་ཕྱི་གླིང་གི་བརྩམས་ཆོས་གྲགས་ཆེ་བ་ནང་འདྲེན་བྱས་ཚད་ཤིན་ཏུ་དལ་བ་ཡང་མཁྱེན། དེའི་འགྲོ་ལུགས་བཀའ་འཁྲོལ་ཡང་རྙོག་དྲ་ཆེན་པོ་ཞིག་ཏུ་མཐོང་། དེའི་ཁར། དྲྭ་པ་རྣམས་ཀྱི་ཕྱི་སྐད་ཀྱི་ས་ལམ་ཡང་དམའ་བའི་དབང་གིས་རྟེན་འབྲེལ་འདི་དག་འགྲིག་པས། བརྙན་ཡིག་ཚོགས་པ་བྱུང་བ་ཡིན། འུ་ཅག་བོད་དུ་ནི་ས་བོན་བཞག་པ་ཙམ་གྱི་ས་ན་གནས་ཤིང་། རྒྱ་མིའི་གློག་བརྙན་འཕྲིན་དང་ཕྱི་རྒྱལ་གྱི་གློག་བརྙན་འགའ་རེ་སྐད་བསྒྱུར་བྱས་པ་ཡོད་མོད། བརྙན་ཡིག་ཚོགས་པའི་མིང་འདི་བྱུང་ནས་ལོ་གཅིག་ཙམ་ལས་འགོར་མེད་ཤས་ཆེའོ། །     QQ图片20130525164731.jpg     
           ༢༠༠༧ལོར། ཨ་རིའི་བརྙན་འཕྲིན་ཟློས་གར<<བཙོན་བྱོལ>>Prison Breakརྒྱ་ནང་དྲག་རླུང་བཞིན་འཚུབ་ཏེ། CCTVསོགས་དབང་ཆེན་སྨྱན་སྦྱོར་གྱིས་བརྙན་ཡིག་ཚོགས་པར་དོ་སྣང་ཆེར་བྱས་ཤིང་། ཨར་བརྙན་ཚོགས་པའི༼ཨ་རིའི་གློག་བརྙན་སྒྱུར་བཟོ་༽འགན་ཁུར་མཁན་ལ་སྨྱན་སྦྱོར་མིང་གྲགས་ཅན་གྱིས་བཅར་འདྲི་བྱས། འདི་དག་ནི་རྒྱའི་བརྙན་ཡིག་ཚོགས་པའི་ལོ་རབས་རེད། ཡིན་ཡང་། ཕྱོགས་བཅུར་བུ་གར་རལ་བའི་འུ་བུ་ཅག་ད་དུང་འདི་དག་ལ་རྒྱུས་ཡོད་མེད་ཀྱི་མཚམས་ན་འདུག ཡིན་ཡང་། ཅི་ཡིན་ན་ཡིན་ཏུ་ཆུགས། ༢༠༡༠ལོར་པེ་ཅིང་གི་སློབ་གྲྭ་འདྲ་མིན་ནས་ཐོན་པའི་མདོ་དབུས་ཁམས་གསུམ་གྱི་དགའ་ཕྱོགས་མཐུན་པ་ཁ་ཅིག་གཅིག་ཏུ་འདུས་ཏེ། རང་རེའི་བརྙན་ཡིག་ཚོགས་པའི་ལོ་རྒྱུས་ལ་དབུ་ཁྱུད་བྲིས་ཤིང་། འདི་ཡིས་ཀྱང་བོད་ཡིག་ཁྱབ་བདལ་དང་དར་སྤེལ། རྒྱུན་འཛིན། ཁ་སྐད་དང་ཡིག་སྐད་ཀྱི་བར་ཐག་ཇེ་ཐུང་། ཡུལ་སྐད་དང་ཡུལ་སྐད་ཀྱི་བར་ཐག་ཇེ་ཐུང་། ཡུལ་ལུང་དང་ཡུལ་ལུང་གི་བར་ཐག་ཇེ་ཐུང་གིས་སྲིད་རྩེའི་མི་རིགས་འདི་ཡང་མི་རིགས་དང་རྒྱལ་ཁབ་གཞན་དང་འདྲ་བར་དེང་རབས་ཅན་གྱི་སྒྲ་གཟུགས་ཀྱི་འདོད་ཡོན་མ་ལུས་མིག་གི་གསོས་དང་། རྣ་བའི་བདུད་རྩི་རུ་འགྱུར་བའི་རེ་བ་ཆེའོ། །

                                  དྲ་གནས།     http://www.bosubtitle.com/

 

དཔྱད་མཆན་ཡོད།