རྫོང་སར་འཇམ་དབྱངས་མཁྱེན་བརྩེ་ཆོས་ཀྱི་རྒྱལ་མཚན།


0-6.jpeg

[ལོ་རྒྱུས་བསྡུས་པ།]

   ༼རྫོང་སར་རིན་པོ་ཆེ་དང་མཁྱེན་བརྩེ་ནོར་བུ་སོགས་ཞུ༽༡༩༦༡ལོའི་ཟླ༧པའི་ཚེས༦ཉིན་འབྲུག་རྒྱལ་ཁབ་ཏུ་དགེ་ལུགས་དང་རྙིང་མ།འབྲུག་པ་བཀའ་བརྒྱུད་སོགས་ཀྱི་ཆོས་བརྒྱུད་སྣ་ཚོགས་འདུས་པའི་ཁྱིམ་ཚང་ཆེན་པོ་ཞིག་ཏུ་སྐུ་འཁྲུངས།དགུང་ལོ་བདུན་པའི་ཐོག༧རྒྱལ་དབང་སྐུ་ཕྲེང་བཅུ་བཞི་བ་དང་། ༧ས་སྐྱ་གོང་མ། ༧ཀརྨ་པ་སྐུ་ཕྲེང་བཅུ་དྲུག་པ་གསུམ་གྱིས་ས་སྐྱ་བའི་བླ་མ་རྫོང་སར་མཁྱེན་བརྩེ་འཇམ་དབྱངས་ཆོས་ཀྱི་བློ་གྲོས(1893-1959)ཀྱི་སྐྱེ་སྤྲུལ་དུ་ངོས་བཟུང་ཞིང་ཁྲིར་འཁོད།སྐུ་ན་ཕྲ་དུས་ནས་ས་སྐྱ་དགོན་སོགས་གྲྭ་ས་མང་པོར་འགྲིམས་ཏེ་བསླབ་པ་སློབ་གཉེར་ལ་རྩེ་གཅིག་ཏུ་གཞོལ་ཞིང་།ཆོས་བརྒྱུད་ཆེན་པོ་བཞིའི༼ས་དགེ་བཀའ་རྙིང༽བླ་ཆེན་ཚང་མའི་གམ་དུ་གཅར་ནས་བྱིན་རླབས་དང་།དབང་བསྐུར། གདམས་ངག་ཞུས་ཤིང་། བླ་མ་གཅིག་ལ་དུས་ཐོག་གཅིག་ཏུ་ཆོས་བརྒྱུད་ཆེན་པོ་བཞིའི་བརྒྱུད་པ་ཆ་ཚང་བར་བཞུགས་པ་ནི་ཁོང་ཙམ་དུ་ཟད།སྔ་ཕྱིར་འབྲུག་དང་ཨོ་སི་ཁྲུ་རི་ལི་ཡ། ཨ་རི་སོགས་སུ་བསྟན་འགྲོའི་མཛད་པ་མང་དུ་བསྐྱངས་ཤིང་།ཆོས་ལུགས་སློབ་གཉེར་ཁང་དང་སྒོམ་གྲྭ་མང་པོ་བཙུགས་ཏེ་བསྟན་པའི་མཛད་པ་རླབས་ཆེར་བསྐྱངས།

0-7.jpeg

   དགུང་ལོ་བཅུ་གསུམ་ཐོག་བརྙན་འཕྲིན་ལ་ལྟ་རྒྱུ་བྱུང་ཞིང་།དགུང་ལོ་བཅུ་བདུན་བཞེས་སྒང་ནས་གློག་བརྙན་ལ་མོས་པ་ཆེར་འཕེལ། རྒྱ་གར་གྱི་མེ་འཁོར་འབབ་ཚིགས་ཤིག་ནས་པོ་ལེ་ལྦུ(Bollywood)ཡིས་བཟོས་པའི་གློག་བརྙན་ཐོག་མར་མཐོང་ཞིང་།དེས་ཁོའི་གློག་བརྙན་བཟོ་འདོད་ཀྱི་འདུན་པ་རྨང་ནས་བསླངས་པས། ལོན་ཌོན་དང་ཉིག་ཡོར་སོགས་སུ་ཆོས་སྤེལ་བའི་གླགས་དང་བསྟུན་ནས་གློག་བརྙན་ལ་སྦྱོང་བའི་གོ་སྐབས་བརྩོན་ལེན་སྒོས།ཉིག་ཡོར་གློག་བརྙན་སློབ་གླིང་སོགས་ནས་གློག་བརྙན་སྐོར་གྱི་ཆེད་ལས་ལ་སྦྱངས་ཤིང་། ༡༩༩༣ལོར་དབྱི་ཐ་ལིའི་འཁྲབ་ཁྲིད་པ་པེ་ཐོ་ལུའུ་ཁེའི«ཆུང་སྲིད»(LittleBuddha)ཅེས་པའི་གློག་བརྙན་གྱི་བློ་འདྲི་ས་བྱས་ཤིང་འཁྲབ་སྟོན་ལ་ཡང་ཞུགས།ཁོང་གིས་གློག་བརྙན་བཟོ་བསྐྲུན་གྱི་ཕྱོགས་ནས་ཕེ་ཐོ་ལུའུ་ཁེ་རང་གི་དགེ་རྒན་ལྟ་བུར་བརྩིས།

0-8.jpeg

   ཕབ་བསྐྲུན་པJeremy Thomasསོགས་ཀྱིས་སྐུལ་སློང་མཛད་པ་བརྒྱུད་དེ༡༩༩༩ལོར་ཁོང་གི་གློག་བརྙན་ཐོག་མ«ཕོར་བ»འཛམ་གླིང་སྒང་བཀྲམས་པ་དེས།འབྲུག་ཅེས་པའི་རྒྱལ་ཁབ་ཆུང་ཆུང་འདིར་མི་རྣམས་ཀྱིས་དོ་སྣང་བྱ་མགོ་བརྩམས་ཤིང་། ལོ་དེའི་ཁཱ་ཎ་རྒྱལ་སྤྱིའི་གློག་བརྙན་དུས་སྟོན་དུ་ཡང་ཞུགས།«ཡ་གླིང་གཟའ་དེབ»སོགས་ཀྱིས“གཏམ་རྒྱུད་གནད་ཕིགས་པར་འཆད་ཤེས་པའི་ཡ་གླིང་གི་འཁྲབ་ཁྲིད་པ”སོགས་ཕྱོགས་སོ་སོ་ནས་སྙན་པའི་གྲགས་པ་རྒྱས།«ཆང་ཧུབ་ཐེངས་གཅིག་གི་འཁྲུལ་སྣང»ནི་འབྲུག་རྒྱལ་ཁབ་ཀྱི་ལོ་རྒྱུས་སྟེང16mmཅན་གྱི་སྤྱིན་ཤོག་བེད་སྤྱད་དེ་ཕབ་པའི་གློག་བརྙན་ཐོག་མ་ཡིན་པར་གྲགས།ཁོང་གིས་སྐད་གྲགས་ཆོད་པའི་འཁྲབ་ཁྲིད་པChristopher Doyleདང་མཉམ་འབྲེལ་ཏེ«VARA»ཞེས་པའི་གློག་བརྙན་ཀྱང་བསྒྲིགས་ཚར་བར་གྲགས་ཤིང་།མི་འགྱངས་པར་སྤྱན་སྔར་བསྟར་རྩིས་འདུག

0-9.jpeg

  གཞན་ཡང«སྟོན་པའི་བདེན་པ་རྟོགས་པའི་ཤེས་རབ»དང«གནས་མཇལ» «མི་ཡུལ་སྟེ་ཟློས་གར་ར་བ»སོགས་ནང་བསྟན་གྱི་གཞུང་དང་ཡུལ་ཁམས་བསྐོར་བའི་གསུང་རྩོམ་སོགས་པོད་བཞི་ལྷག་བཞུགས་སོ།།

རྫོང་སར་མཁྱེན་བརྩེ་ཁོང་ཚང་མ་གཞི་ནས་བླ་སྤྲུལ་ཞིག་ཡིན་པའི་ངོས་ཐད་ནས།གློག་བརྙན་ལ་ཡང་འཁྲབ་ཁྲིད་པ་གཞན་དང་མི་འདྲ་བའི་ཐུན་མིན་གྱི་ཆ་ཞིག་ཡོད་པ་ནི། ནང་བསྟན་གྱི་དགོངས་དོན་མང་པོ་གློག་བརྙན་དུ་དྲིལ་ཡོད་པ་རེད།ཁོང་ཚང་གིས་གློག་བརྙན་ཉིད"དེང་རབས་ཀྱི་ཐང་ག"ཡིན་པར་འདོད་པ་ནང་བཞིན། དངོས་ཡོད་ཀྱི་འཇིག་རྟེན་འདི་དང་ཆོས་ཀྱི་དེ་ཉིད་མང་པོའི་བར་ཕན་ཚུན་བསྣོལ་འདུག་པའི་ཆ་ཞིག་ལ་འཚོལ་ཞིབ་བྱ་བཞིན་པའི་བཟོ་འདུག


[བརྩམས་ཆོས་གཙོ་བོ།]

ལོ་ཚིགས།                མིང་།                                                                རིགས།     

  ༡༩༩༩    ཕོར་བ། The cup                                                         ཟློས་གར། ལུས་རྩལ།

  ༢༠༠༤     ཆང་ཧུབ་ཐེངས་གཅིག་གི་འཁྲུལ་སྣང་། Travellers andmagicians       བྱུང་བརྗོད། ཉེན་ཟོན། 



དཔྱད་མཆན་ཡོད།