འཁྲབ་ཁྲིད་པ་ཟོན་ཐར་རྒྱལ་གྱིས་འཁྲབ་ཁྲིད་བྱས་པའི་གློག་བརྙན་བརྩམས་ཆོས་གཉིས་པ་《གཙང་པོ།》ཡི་ཐོག་མཐའ་བར་གསུམ་གྱི་ལས་ཀ་མཐའ་དག་ད་ལྟ་ཡོངས་སུ་ལེགས་འགྲུབ་བྱུང་ཡོད་ལ། འཁྲབ་ཁྲིད་པས་ངོ་སྤྲོད་བྱས་པ་ལྟར་ན། གློག་བརྙན་འདི་ནི་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་དུ་ཕབ་སྐྲུན་བྱས་ཤིང་། ཐོག་མའི་གྲ་སྒྲིག་ནས་བརྙན་ཕབ་དང་སྒྲིག་སྦྱོར་ཡོངས་སུ་རྫོགས་པའི་བར་དུ་ལོ་ངོ་གསུམ་གྱི་དུས་ཚོད་བཀོལ་ཡོད་པ་རེད། གློག་བརྙན་འདིར་ཨ་མ་རིན་སྒྲོལ་ལ་ཡང་བསྐྱར་མངལ་སྦྲུམ་ནས་བྱིས་པ་སྐྱེ་རག་བར་གྱི་དུས་ཚིགས་ཀྱི་འགྱུར་བ་གཞིར་བྱས་ཏེ། བུ་མོ་ཆུང་ཆུང་དབྱངས་ཅན་ལྷ་མོའི་མིག་ནང་གི་ཨ་མྱེས་དང་ཨ་ཕ་གུ་རུ་གཉིས་ཀྱི་མངོན་ལྐོག་གི་འབྲེལ་བ་དང་། དེ་བཞིན་མོ་དང་ཨ་ཕའི་བར་གྱི་ཐོགས་རེག་བྲལ་བའི་ནང་སེམས་ཀྱི་འགལ་འདུ་དང་བརྩེ་བ་གཙོ་བོར་བྱས་པའི་ཕལ་བའི་ཁྱིམ་རྒྱུད་ཅིག་གི་སྐྱིད་སྡུག་བརྗོད་ཡོད་དོ།།
འཁྲབ་ཁྲིད་པ་གློག་བརྙན་ཕབ་སྐྲུན་གྱི་ལས་ཀར་ཞུགས་པའི་སྐབས།
ལོ་ན་ཕྲ་བའི་འཁྲབ་སྟོན་མ་དབྱངས་ཅན་ལྷ་མོ།
དཔྱད་མཆན་ཡོད།