ཉེ་ཆར་བོད་ཀྱི་གློག་བརྙན་གསར་པ《ཚེ་རིང་གི་སྐྲ》ཞེས་པ་དེ་ཨ་མདོ་རྔ་བ་ནས་ཕབ་སྐྲུན་མཛད་སྒོ་སྤེལ་ཞིང་། སྤྱི་ཟླ2015_8_21ཉིན་ཕབ་སྐྲུན་གྱི་ལས་ཡོངས་སུ་མཇུག་གྲུབ་པ།
གློག་བརྙན་འདིའི་ནང་དེང་གི་ན་གཞོན་སྙན་ངག་པ་མགར་དམག་གིས་གཙོ་འཁྲབ་བྱས་ཡོད་ཅིང་། ན་གཞོན་འཁྲབ་ཁྲིད་པ་ཨ་སྒང་ཡར་རྒྱས་ཀྱིས་བརྙན་ལེན་གྱི་ལས་འགན་གཅིག་ལྕོག་གི་འོག་གྲུབ་པ་ཞིག་ཡིན་ནོ།།
གློག་བརྙན《ཚེ་རིང་གི་སྐྲ》ཞེས་པ་འདི་ནི་ན་གཞོན་འཁྲབ་ཁྲིད་པ་སྙུག་བཅུད་ལེན་༼ཡོན་ཏན༽་གྱིས་ཆེས་ཐོག་མར་འཁྲབ་ཁྲིད་གནང་བའི་བོད་ཀྱི་བརྙན་ཐུང་ཞིག་ཡིན་ལ། གློག་བརྙན་འདིའི་ནང་དུ་བོད་ཀྱི་སློབ་ཆེན་མཐར་ཕྱིན་གྱི་གསར་བུ་དར་མ་ཞིག་གི་སེམས་ཁོངས་སུ། རྟག་པར་སུ་དང་གང་གིས་ཀྱང་རྟོགས་དཀའ་བའི་གསང་བ་ལྐོག་གྱུར་གྱི་ཕུགས་བསམ་ལྡོག་གཅིག་ཉལ་ནས་ཡོད་པ་དེ། ཁོའི་ཆེས་འདང་ཆེ་བའི་སྐྲ་ལོ་རིང་བོ་དང་འབྲེལ་ནས་ཕུགས་བསམ་འཚོལ་སྙེག་གི་སྙིང་སྟོབས་ཤིག་བརྗོད་བྱར་བཟུང་ཡོད་ལ། ཁོའི་ཕུགས་བསམ་འཚོལ་སྙེག་གི་སེམས་ངལ་གང་དེས་ཁོ་རང་རྒྱུན་དུ་མི་ཚོགས་ཀྱི་བས་མཐར་ཁེར་རྐྱང་དུ་ལྷག་འདུག་པའི་གཏམ་རྒྱུད་སྐྱོ་ལྷིང་ངེ་ཞིག་བརྗོད་ཡོད་ཅིང་། བརྙན་གཟིགས་ཀྱི་ལམ་ནས་བོད་ཀྱི་ན་གཞོན་སློབ་སྦྱོང་བ་དག་གི་ཕུགས་བསམ་འཚོལ་སྙེག་གི་སྙིང་སྟོབས་ལ་ཐུགས་སྣང་ཆེས་ཆེར་གནང་བའི་བརྩམས་ཆོས་ཤིག་ཡིན།
འཁྲབ་ཁྲིད་པ་ངོ་སྤྲོད།
ན་གཞོན་འཁྲབ་ཁྲིད་པ་སྙུག་བཅུད་ལེན་ནམ་༼ཡོན་ཏན༽་ནི་ཨ་མདོ་རྔ་བ་རུ་སྐྱེས་ཤིང་། རིམ་བཞིན་སི་ཁྲོན་ཞིང་ཆེན་བོད་ཡིག་སློབ་གྲྭ་དང་ནུབ་བྱང་མི་རིགས་སློབ་གྲྭ་ཆེན་མོ་སོགས་འགྲིམ་སྟེ།
དཔྱད་མཆན་ཡོད།